ချစ်သူအတွက်လက်ဆောင်

ချစ်သူချေ.....
အိပ်မောကျနိန်ရေ
ကိုယ့် နှလုံးသာထဲကို
တံခါးမခေါက်ဘဲ
ဝင်လာရေမင်းကို
ကိုယ်နှလုံးသားထဲက ကြိုဆိုနိန်မိခရေ.......

ချစ်သူချေ......
ရွှေရောင်ကြွီရုပ် ယမင်းရုပ်သွင်
ပိတုန်းနက်မှောင် ဆံသားရောင်နန့် 
ကိုယ့်စိတ် အာရုဏ်တိကိုဖမ်းစား
မင်း၏ရုပ်သွင်က
ကိုယ်အတွက်စွဲမက်စရာ.......

ချစ်သူချေ......
စကားလှချိုသံ
ဥဒေါင်းငယ် တွန်သံအလား
နှုပ်ခမ်းဖျားက သူစကား
အသဲထဲမှာ စူးနစ်
ဝေဟင်မှာ ပဲ့တင်ထပ်နိန်အောင်
မင်းပြောတတ်တေ...........

ချစ်သူချေ.........
သြော်...မင်၏မာယာထောင်ချောက်
အသူရာ ချေက်ထဲကို
ကိုယ်......အကြိမ်ကြိမ်ကျဆင်း
ဘ၀တစ်ခုလုံးကိုထိုးအပ်
မင်း၏ ဂဝေမှော်အိမ်ထဲက
ကိုယ့်ဘ၀......

ချစ်သူချေ.....
ကိုယ့် ဘ၀တစ်ခုလုံးပဲ့ကြွီ
တစ်စစီပဲ့ကြွီနိန်ရေ ကိုယ့်နှလုံးသားတိနန့် 
ပိုးစုန်းကြူးကိုအဖေါ်ပြု
သန်းခေါင်းယံညဥ့်တိထဲမှာလျှောက်
အချစ်အာရုဏ်ဦးကိုမျော်ရင်း
အိပ်မက်ဆိုးထဲက
အခု..........
ငါ နိုးထပါလတ်ဗျာလ်.......

ချစ်သူချေ.......
လိုချင်ကေလေ့မင်း
မလိုချင်ကေလေ့မင်း
အကြောင်းမရှိအကြောင်းရှာ
ယိုးမယ်ဖွဲအပြစ်တင်
ကိုယ့်နှလုံးသားကို စုန်ကန်ပြီး
အ၀ီသို့ ထွက်လခရေချစ်သူချေ.....
မင်း.... ရွက်ကျပင်ပေါက် မဖြစ်လီပါစီကေ့.........

သြော်နှင်းဆီချေ

ပေါင်းမြက်ခြုံနွယ် ပိတ်ကာအုပ်မိုး
ရွက်ဖျင်းရွက်ငယ် ဘေးသို့ကာထွက်
ရိုးတံချေပင်စဉ်နှင့် ရုန်းထဖို့ကြိုးစားနိန်ရေ
ဂန္က၀င်လာ အို....နှင်းဆီပင်ချေ......

မြင်ကွင်းက စိတ်မကောင်းစရာ
အဓိပ္ဂါယ်မရှိ နိန့်ရက်တိကိုကုစားဖို့အတွက်
ကိုယ်ခြံထဲမှာ စိုက်ထားမိခဗျာလ်........

ပင်ပျိုရွက်နု လှညွန့်တိဝေဆာဖို့အတွက်
ပေါင်းတင် ရီလောင်း
မြေဆီလောင်းထည့်
ခါနွိမိုးဆောင်း ရာသီပြောင်းလည်း
သဘာဝဘေးဒဏ် ရာသီရန်နှင့်
ရာသီမျိုးဖျက်ပိုးတိကိုလည်း
ကာကွယ်ယင်းနန့်...........

ယင်းပိုင်နန့် တစ်နိန့်မှာ
နှင်းဆီပင်ချေက....
အနီရောင်နှင်းဆီပန်းပွင့်ချေနန့် တင့်တယ်စွာ
ရောင်ဖြာသွယ်ဆင်း နီမင်းကြီ၏ရောင်ခြည်အောက်မှာ
နှင်းဆီပန်းပွင့်ချေ..........

ကိုယ်ခြံထဲမှာ.....
ဇလပ်ခွါညို သော်ကပျိုနှင့်
ပိတောက်စံပယ် ချယ်ရီနန်းထိုက်
တော်ဝင်ပန်းမဂိုဋ် ရို့၏အလယ်မှာ
တင့်တယ်လှပစွာ
ထူးခြားရေ သူ့ ဂုဏ်အင်တိနန့်
သြော်....အနီရောင်ပန်းနှင်းဆီ........

ဂန္က၀င်လာနှင်းဆီ ရဲရဲနီလို့
သတ္ကိဂုဏ်ရောင် စံထားပေစွ
စော်ကားရန်မူ ရန်သူဟူသမျှ
စူးနှင့်ကာရံ တားဆီးလှန်သော်
ပန်းများအလယ် နှင်းဆီးငယ်မှာ
ဂုဏ်ယူမာန်နှင့် စံတင်ယင့်..........

ကိုယ့်ခြံထဲကပန်း ပန်းလှနှင်းဆီ
ရဲရဲနီကို ရွှေရင်မှာထိုးကာနှင့်
ကြယ်ပြာမိုးအောက် ညချမ်းရီဝယ်
ပေါင်းသင်းမိတ်ဆွေ ရောင်းရင်းဝယ်ကြား
ရွာလမ်းတလျှောက် ၀င့်ကြွားချင်သည်
သြော်......သို့သော်လည်း
နှင်းဆီစကား....ရွှေနားမခံချင်
ကိုယ်....အခွင့်အရေးသမားမဖြစ်လို
ပန်းချစ်တေငါ့မှာ ဥယျာဉ်မူးဘ၀ပါရာ...........