စဉ်းစားကြည့်ရဖို့ 

တိုက်လိုက်တေပင်
လီပြင်းတိက
ခေါင်းကဆံပင်တိတောင်
ဖရိုဖရဲနဲ့ ပုံပျက်လားခဗျာလ်......

မကြားချင်နန့် အဆုံး
လက်ဘက်ရည်ဆိုင်မှာလည်း
ယင်းစကား.........
ဥပုပ်စောင့်ရာမှာလည်း
ယင်းစကား..........
ညောင်ပင်အောင်မှာလည်း
ယင်းစကား...........
အရက်ဝိုင်းမှာလည်း
ယင်းစကား..........
သြော်... အမျိုးသားရေးဆိုဝါ

လက်တွိရာ မကျ
အိမ်မက်ထဲမှာ တိုက်ဆောက်
စကားနဲ့ စစ်တိုက်ပစ်စွာကလည်း
အများကြီး.......
ရီပြင်မှာ အရုပ်ရီးဆွဲ နီဂတ်စွာ
သူရို့လားချင့်.........
သြော်...အေပိုင်အမျိုးသားရေးလားချင့်............

အြော်........နှောင်းဓည

မုန်တိုင်းဝေသီ အဖပြည်ဆီကို
ငါတမ်းတမိရေ.........
သာယာအီးမြ နီခြည်၊လရို့
ထွန်းလင်းပ အလီလီရာ..............
ရွေရောင်းထွန်းလင်း စပါးခင်းရို့
ကျီးငှက်စုံလင် ဟေမာန်ဆောင်းတွင်
ပျော်မြူးမဆုံး တစ်ပြုံးပြုံးတည်း.............

လေးရပ်ဝတီ နောက်ပြည်ဆီကို
ငါလွမ်းမိရေ................
သာသနာထွန်းလင်း ဓညခင်းမှာ
ပြောင်ထည်ဝါ၀င်း ရန်ဘေးကင်းကွာ
ဧကဌါနေ လခြမ်းမြေတည်း

"ရွက်ကြွိချေ"

ဟောင်းနွမ်းရွက်ကြွီ
ရွက်ဝါချေရို့
ကြွီကာကျဆင်း
မြေကြီထက်ဝယ်------

ဖူးငုံ၊ဖူးစုံ
ရွက်သစ်တိဝေဖို့အတွက်
သက်အို ရွက်တိက
နေရာလဲပီးရရေ---------

ငါရို့ကလည်း
နောင်မျိုးဆက်သစ်ရို့
ရီကြိုင်မြက်နုဖို့အတွက်
ငါရို့ဘ၀တိကို စတေးပြီးကေ
အဖပြည်အတွက်
ကျေးဇူးဆပ်ရဖို့သိမ့်-----------